గూగుల్ హోమ్ మినీ స్మార్ట్ స్పీకర్లు వచ్చేసాయి..ఎంజాయ్

updated: April 11, 2018 12:50 IST

 ప్రస్తుతం మనందరం గూగుల్ గూట్లో ఉన్నాము..గూగుల్ లేనిదే తెల్లారదు..పొద్దుకూకదు అనే పరిస్దితి ఏర్పడిది. ఈ  టెక్నాలజీ దిగ్గజంఅందుకు తగ్గట్లే ఎప్పటికప్పుడు కొత్త కొత్త ప్రాడెక్టులు లాంచ్ చేస్తూ   మరో గూటికి మనం ఎగరకుండా పలు జాగ్రత్తలు తీసుకుంటోంది.  తాజాగా గూగుల్‌ తన వాయిస్‌ యాక్టివేటెడ్‌ ‘హోమ్‌, హోమ్‌ మినీ’ స్పీకర్లను భారత మార్కెట్లోకి విడుదల చేసింది. 

 

ఇందులో హోమ్‌ స్పీకర్‌ ధర రూ.9,999. హోమ్‌ మినీ ధర రూ.4,499. ఈ రెండు స్పీకర్లు గూగుల్‌ అసిస్టెంట్‌ సహాయంతో పని చేస్తాయి. ఇ-కామర్స్‌ దిగ్గజం ఫ్లిప్‌కార్ట్‌తో పాటు రిలయన్స్‌ డిజిటల్‌, క్రోమా, విజయ్‌ సేల్స్‌తో షోరూమ్స్‌తో పాటు మొత్తం 750 రిటైల్‌ స్టోర్లలో ఈ రెండు ఉత్పత్తులు లభిస్తాయి. దీంతో ఇప్పటికే భారత మార్కెట్లో ఉన్న అమెజాన్‌ ఇకో స్పీకర్లకు గట్టి పోటీ తప్పదని భావిస్తున్నారు.

ఏంటి ఉపయోగం

గూగుల్ విడుదల చేసిన స్మార్ట్ స్పీకర్ల ద్వారా యూజర్లు కేవలం మ్యూజిక్‌ను ప్లే చేసుకోవడమే కాదు, వాటితో తమ పనులను చక్కబెట్టుకోవటమే దీని స్పెషాలిటీ. వాయిస్ కమాండ్ల ద్వారా వాటికి ఆదేశాలు ఇస్తే అందుకు తగిన విధంగా స్పీకర్లు ఔట్‌పుట్‌ను ఇస్తూంటాయి. ఆండ్రాయిడ్ స్మార్ట్‌ఫోన్‌లో ఉండే గూగుల్ అసిస్టెంట్ ఈ స్పీకర్లలో ఉంటుంది. కనుక యూజర్లు ఓకే గూగుల్ అనే కమాండ్ ద్వారా వీటితో పనిచేయించుకోవచ్చు. మ్యూజిక్ ప్లే చేయడం, వార్తలు చదవడం, వాతావరణ విశేషాలు తెలుసుకోవడం, కాల్స్ చేయడం వంటి పనులను ఈ స్పీకర్లు చేస్తాయి. ఇక్కడ మీరు ఆ వీడియోని చూడవచ్చు.

ఫీఛర్స్ 

గూగుల్ హోమ్, హోమ్ మినీ స్పీకర్లపై భాగంలో టచ్ ప్యానెల్ ఉంటుంది. ఈ ప్యానెల్ నాలుగు ఎల్‌ఈడీ లైట్లను కలిగి ఉంటుంది. ఇవి వాల్యూమ్‌ను అడ్జస్ట్ చేసుకునేందుకు, మ్యూజిక్‌ను ప్లే చేసుకునేందుకు, గూగుల్ అసిస్టెంట్‌ను పిలిచేందుకు పనికొస్తాయి. 

స్పెషల్ ఆఫర్

భారత్‌లో గూగుల్ హోమ్ స్మార్ట్ స్పీకర్లను లాంచ్ చేసిన సందర్భంగా వాటిని కొనుగోలు చేసే యూజర్లకు పలు ఆఫర్లను అందిస్తోంది. వీటిని కొన్న వారికి ఉచితంగా జియోఫై రూటర్‌ను అందిస్తారు. అక్టోబర్ 31, 2018 వరకు ఆరు నెలల పాటు గూగుల్ ప్లే మ్యూజిక్ ప్రీమియం సబ్‌స్క్రిప్షన్ ఉచితంగా లభిస్తుంది. రిలయన్స్ డిజిటల్, మైజియో స్టోర్స్‌లో ఈ స్పీకర్లను కొనుగోలు చేస్తే ఉచిత జియో ఫై రూటర్‌తోపాటు 100 జీబీ అదనపు 4జీ డేటాను ఉచితంగ అందిస్తారు. ఈ ఆఫర్ ఈ నెల 30వ తేదీ వరకు మాత్రమే అందుబాటులో ఉంది. అలాగే యాక్ట్ ఫైబర్‌నెట్ కస్టమర్లు 90 ఎంబీపీఎస్ ఆపైన స్పీడ్ ఉండే 12 నెలల అడ్వాన్స్ రెంటల్ ప్లాన్‌ను ఎంపిక చేసుకుంటే వారికి గూగుల్ హోమ్ మినీ స్పీకర్‌ను ఉచితంగా అందిస్తారు. హెచ్‌డీఎఫ్‌సీ క్రెడిట్ కార్డులను ఉపయోగించి ఈ స్పీకర్లను కొంటే 10 శాతం క్యాష్‌బ్యాక్ లభిస్తుంది. 

రేటెంత

గూగుల్ హోమ్ రూ.9,999 ధరకు లభిస్తుండగా, హోమ్ మినీ రూ.4,499 ధరకు లభిస్తున్నది. వీటిని ఫ్లిప్‌కార్ట్ సైట్‌లో ప్రత్యేకంగా కొనుగోలు చేయవచ్చు. రిలయన్స్ డిజిటల్, క్రోమా, బజాజ్ ఎలక్ట్రానిక్స్, విజయ్ సేల్స్, సంగీత వంటి రీటెయిల్ స్టోర్స్‌లోనూ ఈ స్పీకర్లు లభిస్తాయి. 

comments